Një nga prioritet e QJK-s është arsimimi juridik i brezave të ardhshëm. Ndër aktivitetet kryesore të ndërmarra në drejtim të arsimimit juridik është programi për përkrahjen e Fakultetit Juridik dhe edukimi për trafikun.

Programi për përkrahjen e Fakultetit Juridik (PPFJ)

Programi për përkrahjen e Fakultetit Juridik të Universitetit të Prishtinës përmban:

1. Praktikat e Klinikave Juridike; i ofron studentëve zhvillimin e aftësive praktike në përpilimin e propozimeve të ndryshme si psh, padive, aktgjykimeve, ankesave etj;
2. Zhvillimi i bibliotekës së Fakultetit Juridik;
3. Publikimet (përfshirë përmbledhjen e ligjeve të zbatueshme për studentë; doracakun për studentë me shembuj të akteve të ndryshme ligjore, Udhëzuesin për hartimin e punimeve të shkruara etj.).
4. Më parë QJK-s ka implimentuar edhe Zhvillimin e Planprogrameve (përfshirë edhe aktivitetet siç është implementimi i Sistemit të Bolonjës, studimet themelore dhe të magjistraturës; këmbimin e mësimëdhënësve dhe studentëve; ndihmën në modernizimin e administratës, për ciklin e magjistraturës, etj).

Person kontakti: adelina.sokoli@klc.ipko.org

Edukimi për trafikun

Ky projekt i kushtohet të gjithë fëmijëve të Kosovës nga mosha 6 vjeç deri në moshën 14 vjeç, në mënyrë që të mësojnë për rregullat në trafik si dhe të drejtat e tyre themelore. Kjo do të mund të arrihet me trajnimin e fëmijëve në zbatimin dhe respektimin e ligjit dhe sistemit juridik të Kosovës. Planifikohet që të përzgjidhen dhe të trajnohen mësimëdhënsit, të mblidhen të gjitha materjalet e domosdoshme, të bëhet shpërndarja e doracakut "Pasaporta e jetës time" dhe të përpunohet një doracak mbi rregullat e trafikut për përfaqësuesit e Njësitit Policor.

Qëllimi kryesor i këtij projekti është që të forcojë sundimin e së drejtës në Kosovë. Qëllimi i përgjithshëm është që të edukojë fëmijët në mënyrë që në të ardhmen të bëhen banorë të cilët do të respektojnë sistemin juridik dhe të drejtat e njeriut, duke ofruar më shumë mundësi për një Kosovë tolerante dhe demokratike.

Person kontakti: aleksandra.dimitrijevic@klc.ipko.org

Programi i Arsimimit Juridik të QJK-s ka nevojë për mbështetjen tuaj. Ju lutemi t'i konsideroni donacionet për Qendrën Juridike të Kosovës!