Të nderuar autorë,

"Studimet Juridike në Kosovë", revista akademike e botuar nga Qendra Juridike e Kosovës (QJK), ju fton të na dërgoni shkrime të ndryshme artikujsh nga fusha juridike, ese, komente, vështrime të librave dhe shqyrtime të rasteve nga praktika. Ne i ftojmë autorët nga brenda dhe jashtë Kosovës që të japin kontributin e tyre për literaturën akademike që është e disponueshme për komunitetin juridik të Kosovës.

"Studimet Juridike në Kosovë" do t'i konsiderojë publikimet e shkrimeve me subjekte të ndryshme, por ne jemi veçanërisht të interesuar rreth çështjeve juridike të tanishme (koherente) në Kosovë, duke përfshirë (por jo në mënyrë të kufizuar): dhuna në familje, trafikimi i grave dhe fëmijëve, reformimi i sistemit të edukimit në Kosovë, zhvillimi institucional, ligjet ndërkombëtare të aplikuara në Kosovë, zhvillimi juridik, dhe tema që përfshinë dorzimin e kompetencave dhe qeverisjen lokale.

Shkrimet mund të dorëzohen në gjuhën Shqipe, Angleze ose Serbe.

Çdo shkresë duhet të përmbajë emrin dhe titullin akademik të autorit si dhe informacione të plota kontaktuese. Ju lutemi bashkangjiteni dhe një kopje të CV suaj.

"Studimet Juridike në Kosovë" është e ndarë në katër kategori. Ju lutem vini re se cilës prej kategorive i përket shkrimi juaj

• Artikujt - artikuj akademikë tradicionalë që mbulojnë degë të ndryshme të së drejtës, si ai kushtetues, civil, penal, administrativ, etj të cilat janë veçanërisht të rëndësishme ose relevante ndaj ligjit në Kosovë.

• Shqyrtime të rasteve nga praktika - analiza të shkurtra rreth gjykimeve të shpallura nga Gjykatat e Kosovës, duke theksuar çështjet dhe problemet parësore të lidhura me rastin e dhënë.

• Vështrime të librave - rreth librave të rinj lokalë dhe ndërkombëtarë relevantë me të drejtën në Kosovë.

• Forumi - artikuj që tejkalojnë aspektet ligjore për të përfshirë zhvillime politike, shoqërore dhe kulturore relevante me ligjet dhe sistemin juridk të Kosovës.

Kur të shkruani një "Vështrim të librit" ju lutemi ta nisni vështrimin tuaj duke dhënë informata të plota referuese të librit, duke përfshirë titullin, autorin(ët), vitin dhe vendin e botimit, si dhe botuesin.

Ju lutemi të siguroheni që shkrimi juaj të mos jetë më i gjatë se 10 faqe për një artikull të plotë, dhe jo më i gjatë se 2 faqe për një shqyrtim të rasteve nga praktika (në Times New Roman, madhësia e shkronjave 12).

Nëse keni vendosur ta ndani shkrimin tuaj në pjesë, ju lutem përdorni formatin në vijim:

Hyrja ...........
I. ................
A. ...............
1. ...............
a. ...............
(...)
Përfundimi ....

Nëse keni vendosur të përdorni shkurtesa, përdoreni herën e parë shprehjen e plotë, të vijuar nga shkurtesa në kllapa, e më pas vazhdoni ta përdorni shkurtesën e njëjtë gjatë gjithë tekstit.

Kur përdorni ndonjë citim (fusnotë) që ka të bëjë me tekstin që citoni, vendoseni atë brenda thonjëzave ("...") për të evituar përshtypjen se citimi ka të bëjë me gjithë fjalinë. Ju lutemi cekni referencën e plotë duke përfshirë aty autorin, titullin (libër, revistë ose dokument), botuesin, vitin e botimit dhe faqen.

Të gjitha shkrimet do të lexohen dhe rishikohen nga stafi përpunues i artikujve i QJK-ës. Kontributet e dorëzuara nuk duhet të jenë në rishikim nga botues të tjerë gjatë kohës së dorëzimit të shkrimit. Përpunuesit e artikujve kanë të drejtën të pranojnë ose të refuzojnë këdo nga artikujt e dorëzuar dhe të bëjnë ndryshime për të cilat mendojnë se janë të nevojshme ose të duhura për tu pranuar për botim. Asnjë disk apo dokument nuk do të rikthehet.

Mënyra më e dëshirueshme është që shkrimet të dërgohen me anë të postës elektronike (e-mail). Por edhe shkrimet e dërguara me postë ose dorazi do të pranohen.

E-mail: adelina.sokoli@klc.ipko.org
Adresa e Qendrës Juridike të Kosovës për dorzime dorazi është: Ulpiana #23 (përballë Kishës Katolike), 38000 Pristina.

Adresa Postale e QJK-ës është:
Kosovo Law Centre
OSCE Mission in Kosovo
Kärtner Ring 5-7
1010 Vienna
Austria

Nëse do të keni ndonjë pyetje tjetër, ju lutemi kontaktoni Adelina Sokoli, me e-mail ose në numrin e telefonit: +381 (38) 549 978; +377 (0) 44 319 008

Ju falenderojmë për kontributin tuaj për zhvillimin e së drejtës në Kosovë dhe sistemit juridik,

Dr.Sc. Haki Demolli
Drejtor i QJK