QJK-ja organizon ligjërata, konferenca dhe seminare punuese për juristët e Kosovës duke ftuar avokatët dhe gjyqtarët ndërkombëtarë që të ndajnë apo prezantojnë njohuritë e tyre të punës pjesëmarrësve të interesuar. QJK-ja u ofron organizatave të ndryshme vendore dhe atyre ndërkombëtare lokalin për mbajtjen e konferencave, seminareve dhe mbledhjeve parapërgatitore. Në këtë sallë të mbledhjeve, QJK ofronë ambient shumë konstruktiv për punë, të pajisur me mjete moderne konferenciare dhe hapësirë të mjaftueshme për freskim dhe atmosferë miqësore.

Seminaret

Që nga themelimi i saj, QJK-ja në bashkëpunim me partnerët e saj, ka mbajtur gjashtë seminare. Broshurat të cilat përmbajnë prezantimet dhe diskutimet plotësuese janë në dispozicion të QJK-së. Temat e trajtuara në këto seminare ishin:

Çështjet e pronësisë - Gusht 2000
Transformimi i pronësisë shoqërore - Tetor 2000
Trafikimi i femrave në Kosovë - Dhjetor 2000
Zgjidhja Alternative e Konflikteve në Çështjet Familjare (ZAK) - Shkurt 2001
Statusi juridik dhe roli i mediave në informimin publik - Mars 2001 
Të drejtat e njeriut dhe mbrojtja e tyre në Kosovën e pasluftës - Korrik 2001

Arsimimi i Vazhdueshëm Juridik

Arsimimi i Vazhdueshëm Juridik (AVJ) është projekt i QJK i hartuar për juristët profesionistë; për secilin jurist të diplomuar, ata të cilët punojnë në lëminë e së drejtës dhe të tjerët të interesuar për përfitimin e njohurive plotësuese juridike.

AVJ zhvillohet me qëllim të ofrimit të trajnimeve afatëshkurtëra këtyre personave, në tema të zgjedhura juridike. Organizimi bëhet në mënyrë që materja e temave për ligjërim të caktohet dhe kontrollohet nga prizma e shprehjes së vetë interesimit të juristëve profesionistë. Kështu, projekti drejtpërsëdrejti i kundërpërgjigjet ''bazës'' së kërkesave të arsimimit juridik në Kosovë. Në sesione theksi përqëndrohet në legjislacionin e aplikueshëm vendor që shpjegohet në bazë të standardeve ndërkombëtare dhe mundësia e aplikimit të tyre në rastet përkatëse. Ligjëratat për zgjidhjen e problemeve, kanë qasje praktike. Sesionet organizohen nga QJK, të cilat i mbajnë ekspertët e qendrës apo ekspertët e jashtëm. Prioritet kanë ligjëruesit të cilët kanë përvojë ekstensive në çështjet e të drejtës vendore apo ndërkombëtare.

Në përmbledhjen e Zyrtarëve të OSBES-së për Sundimin e së drejtës, janë identifikuar fushat e së Drejtës Civile, përfshirë këtu të drejtën mbi patundshmëritë, të drejtën familjare, të drejtën penale përfshirë këtu procedurën dhe fushat esenciale sikundër janë trafikimi dhe e drejta administrative, procedurat ekzekutive që paraqesin temat kryesore që do të adresohen nga ky program.

Pilot projekti filloi punën në Tetor 2001, në Gjilan me ligjëratën mbi të drejtën familjare që është përcjellur me mjaft interesim. Gjatë Tetorit dhe Nëntorit 2001 projekti është dëshmuar mjaft i sukseshëm dhe tani po zgjerohet në pjesët e tjera të Kosovës.